Sunday, May 31, 2009

Oh! beautyful Chinland


Oh! Beautiful Chin land
The twinkling stars saunter together
and shine over the sea and land
with the cute moonlight and freeze.
The pine trees blow together
The rabbits on the land are dancing
The sweet melody of fiakfairawk herald in high
It makes me feel lonely.
The old leaves fall down on the ground.
The bud leaves sprout with resins and hairs
The birds are enjoying with their nectars
and flying noisily around them.
Mountains and lawns were full with haze.
The fragrant of pine trees with freeze
flow day by day and change it year by year.
It is the beauty of Chin land.

Composed by

Mg Khin {the great}

Tuesday, April 21, 2009

Kan ngai tuk {Chinland}

"Ka Philh Kho lo"***Thinlung mitthlam in semnak huachuah tlang,
Tiva kuang, nelrawn hna ka cuanh tawn ah
Khup tthirual hna he siangkhan meithal put in
Ramtlawng sa zulh kha ka ngai riangmang tawn.
***Neh zuunthing zeitik tiang rung hmun hnga aw,
Nehbung khirh zeitik tal um than hnga maw?
Zingnu sin mithli he thlaza cam in
tluangchin ramah Ni le thla ka rel tawn.
***Thalkhua pau in meithang hung zam khin cun
Semnak khuadawh leng le vaal rual he in
lungkhat te'n ti ngahring dawi tti nak hmun
Ruah than ah thinlung puanbang a thar than tawn.
*** X'mas kumthar khuasik hung chuak khin cun
Cawnnak siangruun dawh,Biak Hlei ruun hrawng ah
Pipu, nupa, semmawng hawidawt rual he
Lengtti caan kha mithlam ah an cuang tawn.
*** Kan chuahsemnak lungrawn hauchuah tak in
Zalen ramnuam tluangchin ram tlawng hmanh ning
Duhthim nun he hoi van hai hlah hmanh ning
Kan chuahsemnak Lairam te kan ngai riangmang.
Kan ngai tuk Chinland...................

By Mg Khin

Lungkil Dawtnak {or} Laipa hrum Thawng


A hmunmi thil pathum lakah
A sang bik cu Dawtnak an ti.
Tuanphung an chim tawnmi nganbawm
Zuunngaihnak in a ciam ti bang
Ciamsual lai hmanh an ruat ti lo
Dollar mit in khuacuanh hnu cu.....
Cincik khih bang tleihter cang hna
Lungkil dawtu lungkil dawtnak
Thal tilu bang roter dih hna.
Siaherh lo maw semmawng fanu
Zuunngaih tuar in hram len lai khi?.
***Lungkil sia te rem ko hnga maw?
Kulh cia par dawh tizuu tlanh khi....
vakok nun he tluangchin in cun
kilhkamh len zong zei thahnem lo
Lungsak ding tu i hnek ko ning
Thlachuah vanning tlunghram ko seh
Teichin fapar chan tal ah khin.
Composed by
Mg Khin the great

Sunday, April 19, 2009

Ka Philh Kho Lo "'မ ေမ့ နုိင္ တဲ့ အ မိ ေျမ ခ်င္းျပည္"











Ka Philh kho lo
Semnak kan ram Lairam kulh chung
Tlangsang cung ah Pardawh phuntling
Rimhmui zaa he an en nak kha
Kaphilh kholo
Fingtlang cuanh ah mawchichial in
Va phuntling nih awphun zaa he,
Zilthli hran nak kan semnak kha
ka philh kho lo.
Thalkhua pau kaw hawikawm rual he
Thlahnak picnic, tiva ramriah
nuamchialmal ti ngahring dawi kha
ka philh kho lo.
Thawhthan ramriah khaanphawt caan le
Hliamsa dawi in meithal nawlhthawng
Chukcho hlanh in thanthlah tawn kha
ka philh kho lo.
A cuang zungzal ka mitthlam ah
Sianginn khar hnu Dingdii par lio
Tlangkai tti caan nuamh tti caan kha
Ka philh kho lo.
Composed by
MK The Great.

Ka pa dawtnak mitthli


Ka nu pawchung ka semka in

ka nu duhnak tlinter ding in

khuaza na ruat hngilh cim lo in

ka nu na hramh kei ka caah.


Nilin khuaal ruasur lakah

hrial mi um lo rianhrang tuan in

duh hmanh ei lo cawmtu ka pa

na dawtnak hi a thlum hringhran.


Ngunsawm zarel na kawp hoi sin

na len zongah philh hin lo in

zawnruah dawtnak lungkil chung in

na ruat ka nu kei ka caah.


Khuptthi rual nun, cawng in kei cu

lampial hmanh ning dawtnak tak he

hnemnak awnem ka pa aw kha

philh um lai lo ka chan chungah


Composed by

Mg Khin the great.

Hringtu ka nu


Hringtu Ka Nu...................
Zeihmanh hngalhlan ka semka in
Cawmtu thabik sunghno ka nu
Zeihmanh theihlan ka semka in
Cawnpiaktu cu sunghno ka nu.

Aw…hringtu ka nu…………..
Dawtmi fahniang thatnak dingah
Harnak phuntling anchia za he’n
Hrialmi ngei lo rianhrang na tuan
Siseh sunghno dawtu ka nu
A sunglawibik nang dawtnak cu
Ka theih thiam lo dawtmi kei nih.

Aw…sunghno ka nu………..
Khupthirual cu sunghno nu he
Chungtling te in an len lio ah
Kei bel ka nu....! nu lo ar bang
Tluangchin valrual mi kuttangah
Salnun cawn in ka caan an liam
Ka ngai hringhran kan khua te kha.

Aw… ka nu……….
Awnem phunza dawtnak aw he
“sifak harsa mi kan si ee,
Na cawn fimnak tha te’n I zuam”
Ti mi na bia chimhrinhnak kha
Lung kai fianghnu kei ka za hnu
Nang bel na bau khuai hen ka nu?

Aw….sunghno ka nu…….
Na lung sia ka herh ti hlah mu
Ka cawn fimnak ka thiam ko cang
Tinfim cacawn ka tlinh ko cang
Zei dah na duh sunghno ka nu?
Khuai hen na um dawtu ka nu?
Ka zanmangtal si ko rai mu…..
Zei thahnem lo sunghno ka nu na bau hnu cun
ka ngaithiam hram sunghno ka nu….

Composed by
Mg Khin {the great}

Friday, April 17, 2009

Na philh cang rua?



Semnak kan khua hauchuah tak in
kan cawn fimnak siangruun tangah
lungkil kan thim kan hmuhbak in
cawnnak siangkhan dang ko hmanh ah
kan cawn lessons i khah seh ti'n
Note book kan hlan nang chawnh duh ah.

Cawnnak siangruun T.T High School
25 tlinkum  1998, Sport day ni
Yellow,Green,Red,Blue, Boarding class pawl
Sport phuntling celh i zuam ni
Blue leader, S.C.Secretary 
Ka min fak hmanh chim siang lo in 
{Mah Mah} faktuk in zeih hna hlah
An ning zak tuk lai {First} na si. 
kan thim nangmah ka thin lung in
kan dawt tuk hi na thei lo maw?
Ti mi na bia aw nem te kha 
ka ca'h TEI nak petu an si.

Dawtnak tak he dawtu nang cu
zawnruah nak le siaherhnak in
ka sin na serh biakam nak cu 
Kum {..........} a tling cang ee.
Dawtnak cu ee mei bang in ee
Hleo chin sehlaw parbang in ee
Hmui chin ko seh.

Note: Dawtmi nih ka minfak in auh 
a ka duh lo ruangah {mahmah} tiah 
a rak ka auh tawn caah Mah Mah hi
philh tak awk a tha lo.

1998 cacawn kum Thantlang High School 
Silver Jubilee le dawtmi philh lo nak biazai
 a si.School Council Secretary le Blue Team i
Leader ka tuan kum hna philh lonak caah 
tiah ka telh chih ve.

Mg Khin {Mah Mah} 

 

Wednesday, April 15, 2009

"Ka Ngai Thiam mu"







Ther le phang in tluangchin vaal pa


tuan hnek ai ee nang na hmaiah


fel lo vaalpa aan zai ttih ah
fel khun ka ti nang na hmaiah.


Thlahlawh duhah Cak lo vaalpa


cakkhun ka ti tuan uk hmaiah.


Lungkil ruahmi tlinhnak caah


sanghlei MD duhmi tlinh cu


ka rian sangbik kai tim a si.


Nang duh tlinh hnu keiduh tlinh cu


I timh hramhlah zangfah kan nawl


Ka pawng na um, hnangam khun ko


nang kan dawtnak a zawr hlei lo


Hmanseh sanghlei MD nu aw


Fel lo vaalpa nihluan sau cun


felkhun ai cang MD hmaiah


Hmanseh MD tuanuk nu aw


nihluan sau in tuanfel val pa


Tluangchin ram in Chin pa kei cu


Zilthli nem he remkhun tlangcung


engmi chokhlei par sen te kha


ka tlan lai ee.


Hnubik na tum saduhthah le


na tum ruuninn nuamnak hna cu


tlinhter dingah nawlhar tuk ai


ka ngai thiam mu sang hlei MD.


Composed by Mg Khin

the great


Monday, April 6, 2009

Zuun ngaih caan




Ka cung cerlian, zaan thlapa aw,
Runrep ngei lo tluangchin ramah
ka kawl ngamsawm runinn nuam ca'h
hawizoh hngar in zalam tlangah
kaa sum ka awr kaa thinh ka nun.
nang zuun aa zel ka thinlungah
zilthli an tho ka thinlung in
Vakok nun he dawtmi sinah
zuang ai kun law ngaihnak biacah
capar sang he zuun ngaih nak caan
sau tuk cang tiah va chim te mu.
Composed by
Mg Khin the great
Malaysia

Sunday, April 5, 2009

Kan ngai tuk




"Vuichip Pardawh"
Tluangchin ramsang rundai tangah
Thiamhlei sang ee ti hmanh ning law
Zilthli hrannak Vuichip tlangsang
Cungpar Chawkhlei Parsen te kha
*Philh um lai lo Ka chan chung ah*.

Muicuang thathlei Samthlai rem cu
Sang hlei M.D Fino borrual
Aan tha muidawh Ka ton hmanhah
*A cuang zungzal, thinlung* mitthlam
Zumhtlak Dawtnak Ka NUNNAK ah.

Composed by

Mg Khin

Fanthen

18.03.08

4:23AM


‘A BAU HNU CUN’

Ka ih le maw tlingkhan dang cung ka zau zawnah
A cuang khun ko semnak kanram kan khua te kha.
Thinlung mitthlam ka chunmang ah khuaza ka tuak,
Zeizong an tling, khuacaan antha lennak ka tuak,
A nuam hrinhran semnak kan ram chuahsem nak kha.
Ka khel ka let, thawpi ka chuah, ka lu ka dom,
Hlan pipu chan zeihmanh hngalh hlan zalennak ram,
Nihin kan ram sinning ruah ah Lungzur mithli
Zzur kiarmar ai Nuhrin covo a bau hnu cu……….

Kaa hngah hlang ee semnak ramah khirhthan lai cu,
Thiam hlei sang he khuaza culh cia semmawng rual nih
Tilim siatum hruainak hrihrual pakhat cungah
Fimnak, thazaang, ruahnak dik he par khat tlanh in
Dawtnak remnak lungrual nak le luatnak tak he
.Leng cang hna lai zalawn nundawh Democracy.
Ttang sih seino,ser sih kan ram lungrual tein
Lawmhnak mithli zai hlarem dawh kan sa than lai
Hlan lio pipu lennak kan ram Chuahsemnak ah.

Composed by
Mg Khin {the great}
Fan`then